!!!---: पुण्यस्य फलम् :---!!!
===================
लेखकः--- योगाचार्य डॉक्टर प्रवीण कुमार शास्त्री
समुद्रे महान् झञ्झावातः दृश्यते । काचित् महानौका झञ्झावात-प्रहारं प्राप्य समुद्रे मज्जन्ती अस्ति । एषा घटना तीरसमीपे एव प्रवर्त्तमाना अस्ति इत्यतः तीरस्थाः बहवः तां घटनां पश्यन्तः सन्ति । नौकास्थानां स्वबान्धवानां स्वागताय तीरमागताः ते एतां घटनां दृष्ट्वा नितरां दिग्भ्रान्ताः सन्ति । योगाचार्य डॉक्टर प्रवीण कुमार शास्त्री
तीरे लघुनौकाः बह्वयः सन्ति । यदि केनापि लघुनौका महानौका-समीपे नीयेत तर्हि महानौकास्थाः जनाः अपायात् रक्षिताः भवेयुः । झञ्झावातावसरे समुद्रे नौकाचालनं प्राणापायाय इति सर्वे जानान्ति इत्यतः कोऽपि लघुनौकायाः चालने नोद्यतः । योगाचार्य डॉक्टर प्रवीण कुमार शास्त्री
तीरे विद्यमानेषु कश्चन बालकः अपि अन्यतमः । 'यदि कोऽपि धैर्यं धृत्वा लघुनौका-आनयनसाहसं कुर्यात् तर्हि महानौकास्थानां बहूनां प्राणाः रक्षिताः भवेयुः' इति विचिन्त्यः सः --- 'अहमेव नौकां नेष्यामि' इति सङ्कल्प्य पार्श्वस्थां मातरं स्वस्य सङ्कल्पमवदत् । योगाचार्य डॉक्टर प्रवीण कुमार शास्त्री
एतस्य श्रवणात् मातुः नेत्रे सजले जाते । सा मन्दमवदत्--- "वत्स ! षड्भ्यः वर्षेभ्यः पूर्वं समुद्र-प्रयाणाय निर्गतः तव पिता अद्यापि न प्रत्यागतः । जनाः वदन्ति -- सः समुद्रप्रयाणावसरे एव क्वापि प्राणवियोगं प्राप्तवान् स्यादिति । इदानीं त्वमेकः एव मम जीवनस्याधारः । त्वन्तु झञ्झावातमये काले नौकाचालनाय उद्यतोऽसि । अपायबहुलं कार्यमेतत् । अत एव अत्र स्थितेषु बहवः तूष्णीं स्थिताः सन्ति । यदि त्वया विपत्तिः प्राप्येत तर्हि मम शोचनीया दशा स्यात् । तव गमनाय अहं कथम् अनुज्ञां दद्याम् ?" इति । योगाचार्य डॉक्टर प्रवीण कुमार शास्त्री
"अम्ब ! महानौका निमज्जन्ती अस्ति । यदि कोऽपि साहसं न कुर्यात् तर्हि अस्मासु पश्यत्सु एव तत्रत्याः सर्वे विपद्ग्रस्ताः भवेयुः । सङ्कटग्रस्तानां साहाय्यकरणं पुण्यकार्यमिति भवत्या एव खलु बोध्यते ? मां देवः रक्षिष्यति । मम कोऽपि अपायः न भविष्यति । अतः अलं चिन्तया । कृपया अनुज्ञां देहि"--- सः बालकोऽवदत् ।
साश्रुनयना माता कम्पमानहृदया सती अनुज्ञां दत्तवती । ततः सः बालकः चातुर्येण नौकां चालयन् महानौकासमीपं गतवान् । तत्रत्यान् सर्वान् तीरं प्रापयत् सः । ततः अचिरादेव महानौका जले पूर्णतः निमग्ना सती अदृश्या जाता । जनाः बालस्य धैर्यं श्लाघितवन्तः । योगाचार्य डॉक्टर प्रवीण कुमार शास्त्री
तेन ये तीरं प्रापिताः तेषु तस्य पिता अन्यतमः आसीत् सौभाग्येन । पित्रा सह मातुः समीपं गत्वा बालोःवदत् --- "अम्ब ! मवत्या पुण्यकार्याय अनुज्ञा दत्ता । ततः पिता प्रतिप्राप्तः अस्माभिः" इति । माता पुत्रं प्रति च प्रीत्या आलिङ्गितवती । योगाचार्य डॉक्टर प्रवीण कुमार शास्त्री
स एव बालः अब्राहमलिङ्कननामा । भाविनि काले सः जगद्विख्यातः नेता जातः ।
